மகிழ்ச்சியும் மலர்ச்சியும்

"அவள் முகம் மலர

அவன் மனம் மகிழும்!

அவன் மனம் மகிழ

அவள் முகம் மலரும்:

இருமுகமும் ஒருமுகமென

இல்வாழ்வில் ஒன்றானதால்!"

இன்று எங்களது திருமண நாளுக்காக வாழ்த்திக் கொண்டிருக்கும் நலம்விரும்பிகளுக்கு நன்றிகளுடன் அடுத்த தலைமுறை இணைகளுக்கு எங்களது அனுபவச் செய்தி இது 😊

- Vijay Venkatraman Janarthanan & Harrini Kumarakrishnan

வாழ்த்துக்கு நன்றி

இல்லறப் பிணைப்பில் இணைந்து 

ஆண்டுகள் பதினேழைக் கடந்த 

நல்வாழ்வு பதினெட்டில் நுழைய

அன்பு நூறாண்டு செழிக்குமென 

எங்களுக்குத் திருமண நாள் வாழ்த்து தெரிவிக்கும் நட்புகள் உறவுகள் அனைவருக்கும் எங்கள் மனமார்ந்த நன்றியும் மகிழ்ச்சியும் 🙏🏼😊

- Vijay Venkatraman Janarthanan & Harrini Kumarakrishnan

என்னுடன் வாழ்கநீ நூறாண்டு!

என்னைத் தன்னுடன் இணைத்தும் 

என்னை நானென்ற இயல்புடனே 

என்னை என்னிற் சிறந்தவனாக்க 

என்னை என்றும் முயலவைக்கும் 

என்னவளே உனைப்போல் யாருண்டு? 

என்னுடன் வாழ்கநீ நூறாண்டு!

(31 ஜனவரி 2023 அன்று என் மனைவியின் பிறந்தநாளுக்கு வாழ்த்தாக எழுதியது)

யாராக இருப்பது நான்?

"எவருக்கும் தீங்கு இழைக்க 

நினைக்கும் அளவுக்குக் கூட 

நீ தீயவனாக இருந்திடாதே!

உனக்கு இழைக்கப்படும் தீங்கினை 

உணர இயலாத அளவுக்கு 

நல்லவனாகவும் இருந்திடாதே!"

- 2023ம் ஆண்டுக்கான என் சிந்தனை :-)

இளைப்பாறல்

நான் பங்கேற்க மாட்டேன் என்று மறுக்க எனக்கு வாய்ப்புத் தரப்படாத நீண்ட நெடியதொரு பந்தயமாயினும் மனம் தளராமல் அயராது ஓடிவந்த களைப்பில் ஒரு நொடி நின்று இளைப்பாறித் திரும்பிப் பார்த்தபோது உணர்ந்தேன்:

நான் கடந்து வந்த அத்தனை பேரும் நானே. என் முன்னே ஓடிக் கொண்டிருப்போரும் நானாகவே இருப்பரோ என்று எண்ணியபடியே ஓட்டத்தைத் தொடர்கிறேன்.

அடுத்த இளைபாறலுக்காக நிற்கும் போதேனும் கேட்டறிய வேண்டும் நான்:

இவர்களுள் எந்த நான் மெய்யான நான் என்பதை!

- நான் (Vijay Venkatraman Janarthanan)

சான்றோனின் துன்பம்

சான்றோனென அறியப்படுதலும் ஓர்துன்பமே - ஈன்றபொழுதின் 

பெரிதுவக்கத் தாயில்லாத போழ்து!

- என் குறள்.

தாயருள் என்ன செய்யும்?

சாலச்சிறந்தோர் நடுவே சிறியோன் நானும் 

காலத்தே நின்றிடவோர் பேரிடம் தந்தது 

உழைப்புக்கும் திறனுக்கும் பருவம் தவறா 

மழையெனப் பலன்தந்த என் தாயருளே!

Immensely privileged to be representing India on the Editorial Board of Global Forum, the official magazine of the Drug Information Association (DIA)!