என்னுடன் வாழ்கநீ நூறாண்டு!

என்னைத் தன்னுடன் இணைத்தும் 

என்னை நானென்ற இயல்புடனே 

என்னை என்னிற் சிறந்தவனாக்க 

என்னை என்றும் முயலவைக்கும் 

என்னவளே உனைப்போல் யாருண்டு? 

என்னுடன் வாழ்கநீ நூறாண்டு!

(31 ஜனவரி 2023 அன்று என் மனைவியின் பிறந்தநாளுக்கு வாழ்த்தாக எழுதியது)

எனக்குப் பிடித்த சட்டை

ஆடை அங்காடியில் விற்பனைக்கு வைத்திருந்த அத்தனை சட்டைகளையும் ஆராய்ந்து, நான்கைத் தேர்ந்தெடுத்து, அவற்றில் எது பிடித்திருக்கிறது என்று சுட்டிக்காட்டச் சொன்னாள் என்னவள். 

நான் சுட்டினேன் - அவளை!