கடவுளைச் சோதித்த வரம்!

நின் தவம்தனை மெச்சினோம் - 

வரமெது வேண்டும் என்று

தன் முகமெலாம் பெருமிதமது  

வழிந்திடக் கேட்டான் அவன்!

உன் படைப்பாம் இவ்வுலகில் 

வாழ்ந்தும் நான் மகிழ்ந்திட

என் இயல்பாம் இரக்கமதை 

வலிய இழக்க வேண்டும்!

ஆதலால் - வரமாய் நீயீந்த 

அன்புடை இதயமாம் இதை

ஈடாய் எடுத்துக் கொண்டு

இன்பமடைய விடு என்றென்!

படைத்தவன் மெல்லத் தலைகுனிந்தான் - 

விடையற்ற தன் நிலையுணர்ந்து!

- ஜ. விஜய் வெங்கட்ராமன்

09-12-2017

திங்கள்

திங்களுக்கோர் எண்ணப்பதிவை எழுதநினைத்துத் தொடங்கினேன்
திங்களன்று உவகையுடன் பள்ளிசெல்லும் மாணவனைப்போல்!
திங்களாய் மனவானின் ஓரத்தில் வளர்ந்துதேய்ந்தேயிருந்தாலும்
திங்களிறுதியில்தான் முழுநிலவுநாளோ என் கவிநிலவுக்கு?

பிறந்தநாள் நன்றிக் கவிதை!

கொள்ளும் தனிமையில் கடவுளைக் காண்பவர்!

தன்ரசிகரைத் தனிமை கொல்லாமல் காப்பவர் - 

அவர்தம் பிறந்தநாளன்று வாழ்த்துமின்றி வணக்கமுமின்றி 

எண்ணத்தால் நிறைகிறேன் - நன்றியை நவில!

A simple man who enjoys isolation but (through his great compositions) has saved millions of his fans of three generations from being isolated, was born on this day, sixty-nine years ago! Celebrating his birthday in every possible way is a custom for some, means business for many but for us his fans, it is a calm genuine gesture of our heartfelt gratitude for him. May Ilaiyaraaja live amidst us to treat many more generations with his ever-flowing river of music!

நன்றி, தலைவா!

தேடித் தேடித் தொலைந்தவன்!

கவிதையெழுத ஆசைப்பட்டு பூங்காவுக்குச் சென்று

காகிதமும் எழுதுகோலும் எடுத்துவைத்துக் கொண்டு

கற்பனைக்காகக் காத்திருந்த நேரத்தில் - பாவம்

காதல் கவிஞன் காணாமல் போனான்!