வாழ்த்துக்கு நன்றி

இல்லறப் பிணைப்பில் இணைந்து 

ஆண்டுகள் பதினேழைக் கடந்த 

நல்வாழ்வு பதினெட்டில் நுழைய

அன்பு நூறாண்டு செழிக்குமென 

எங்களுக்குத் திருமண நாள் வாழ்த்து தெரிவிக்கும் நட்புகள் உறவுகள் அனைவருக்கும் எங்கள் மனமார்ந்த நன்றியும் மகிழ்ச்சியும் 🙏🏼😊

- Vijay Venkatraman Janarthanan & Harrini Kumarakrishnan

என்னுடன் வாழ்கநீ நூறாண்டு!

என்னைத் தன்னுடன் இணைத்தும் 

என்னை நானென்ற இயல்புடனே 

என்னை என்னிற் சிறந்தவனாக்க 

என்னை என்றும் முயலவைக்கும் 

என்னவளே உனைப்போல் யாருண்டு? 

என்னுடன் வாழ்கநீ நூறாண்டு!

(31 ஜனவரி 2023 அன்று என் மனைவியின் பிறந்தநாளுக்கு வாழ்த்தாக எழுதியது)

யாராக இருப்பது நான்?

"எவருக்கும் தீங்கு இழைக்க 

நினைக்கும் அளவுக்குக் கூட 

நீ தீயவனாக இருந்திடாதே!

உனக்கு இழைக்கப்படும் தீங்கினை 

உணர இயலாத அளவுக்கு 

நல்லவனாகவும் இருந்திடாதே!"

- 2023ம் ஆண்டுக்கான என் சிந்தனை :-)