என்னுடன் வாழ்கநீ நூறாண்டு!

என்னைத் தன்னுடன் இணைத்தும் 

என்னை நானென்ற இயல்புடனே 

என்னை என்னிற் சிறந்தவனாக்க 

என்னை என்றும் முயலவைக்கும் 

என்னவளே உனைப்போல் யாருண்டு? 

என்னுடன் வாழ்கநீ நூறாண்டு!

(31 ஜனவரி 2023 அன்று என் மனைவியின் பிறந்தநாளுக்கு வாழ்த்தாக எழுதியது)

யாராக இருப்பது நான்?

"எவருக்கும் தீங்கு இழைக்க 

நினைக்கும் அளவுக்குக் கூட 

நீ தீயவனாக இருந்திடாதே!

உனக்கு இழைக்கப்படும் தீங்கினை 

உணர இயலாத அளவுக்கு 

நல்லவனாகவும் இருந்திடாதே!"

- 2023ம் ஆண்டுக்கான என் சிந்தனை :-)