To Remember or To Forget?

If you do not want to forget the occasions in which others hurt your feelings, you must also remember the occasions in which you hurt the feelings of others.

If you wish to forget the occasions in which others hurt your feelings, you must also stop remembering the occasions in which you hurt the feelings of others.

You can only choose one of these options. Choosing a part each from both these options makes you either a sadist or a masochist, with neither of these going to help anyone in the long run.

It is best to forgive yourself as well as others for past mistakes, at least after a note of apology has been tendered. But, if you aren't mature enough to do that, at least be fair in punishing yourself as much as you would punish others.

#randomthoughts #originalcontent

வயதுக்கு மரியாதை; கருத்துக்கு மதிப்பு

குழந்தைகளுக்கு அறிவுரை கூறும்போது "வயதில் பெரியவர்களுக்கு மரியாதை கொடு" என்று மட்டும் சொல்லாமல் "உன்னைவிடச் சிறியவர்களின் கருத்துகளுக்கும் மதிப்பு கொடு" என்றும் சேர்த்துச் சொன்னால் அது அந்தக் குழந்தைகள் பெரியவர்களாகும் போதும் அவர்களுக்கு என்றென்றும் நன்மை பயப்பதாக அமையும்!

சிறிதிலும் பெரிதுண்டு

15 ஜூலை 2017:

வில்லின் அம்பால்வீழா மாவீரனும் அன்பிலாச் 

சொல்லின் அம்பால் நிலைகுலைவான் எனில் 

அறிக அவன்மனம் யாருக்கும் தீங்கிழைக்கா 

சிறிய குழந்தையின் பேருள்ளமென்று!

15 ஜூலை 2019:

நிலைகுலைந்த அச்சிறிய குழந்தை அச்சத்தால் தன் பேருள்ளத்தைக் குறுக்கி மற்ற எவரையும் போல நமக்கென்ன என்ற நிலையினை மனம்வெதும்பி எட்டியபடியே தன்னலம் பேணத் தொடங்கிய பின் உலகம் அதனைப் பாராட்டிப் பறைசாற்றியது "நீ நன்கு வளர்ந்துவிட்டாய்" என்று!

நட்சத்திர அர்ச்சனை

 20 ஆண்டுகளுக்கு முன்பு இதே நாள். கோவை மருத்துவக் கல்லூரி வளாகத்தில் அமையப்பெற்ற அருள்மிகு வித்யா கணபதி திருக்கோயிலில் #இளையராஜா என்ற பெயருக்கு அர்ச்சனை செய்யச் சொல்லிக் கேட்கிறோம் நானும் சில இசையுணர்ந்த நண்பர்களும். "நட்சத்திரம்?" என்று கேட்டார் அர்ச்சகர். "அவரே நட்சத்திரம் தான்" என்று நினைத்தபடியே "தெரியாது" என்றோம். ஜென்ம நட்சத்திரத்துக்கு அர்ச்சனை செய்து விபூதி கொடுத்தார். எனக்குத் தெரிந்து நேரடியாக என் குடும்பத்துடன் சம்பந்தப்படாத ஒருவருக்கு நான் அர்ச்சனை செய்யச் சொல்லிக் கேட்டது அதுவே முதல் முறை. அல்லது, இவரும் எங்கள் குடும்ப உறுப்பினர் தான் என்று எனக்கு நானே பறைசாற்றி மகிழ ஆசைப்பட்டதன் விளைவே அந்நிகழ்வா என்று தெரியவில்லை.

இருபது ஆண்டுகளில் கடவுள், கோவில், அர்ச்சனை, வேண்டுதல் போன்றவற்றின் மீதுள்ள நம்பிக்கையும் ஈடுபாடும் ஏற இறங்க இருந்தாலும் இவர் நன்றாகப் பலகாலம் வாழ்ந்து இசையால் இன்னும் பல தலைமுறைகளை அரவணைக்க வேண்டுமென்ற உளமார்ந்த அவா மட்டும் தொடர்ந்து கொண்டே இருக்கிறது. இருக்கும்!

இனிய பிறந்தநாள் வணக்கங்கள், எங்கள் இசை ஆதவனே! 

Towards the Start Line

"After gleefully conferring on me the Gold Medal with trust, Life inaugurated the race and asked me to run it. To gratefully prove that I indeed deserve the First Prize, I have been running tirelessly towards the START LINE, unaware of where it lies!"

The above is the translation I made of the following Tamil verse I wrote on 12-Oct-2018 (exactly a year ago):

"தங்கப்பதக்கம்தனை என்னை நம்பி அணிவித்து அழகு பார்த்தபின் பந்தயத்தைத் துவக்கி வைத்து என்னை ஓடச் சொன்னது வாழ்க்கை. முதல் பரிசுக்கு உரியவன் தான் நானென நன்றியுடன் மெய்ப்பிக்க அயராது ஓடிக் கொண்டிருக்கிறேன் நான் - அடைய வேண்டிய ஆரம்பம் எங்கென்று அறியாது!"

ஆரம்பத்தை நோக்கி!

தங்கப்பதக்கம்தனை என்னை நம்பி அணிவித்து அழகு பார்த்தபின் பந்தயத்தைத் துவக்கி வைத்து என்னை ஓடச் சொன்னது வாழ்க்கை. முதல் பரிசுக்கு உரியவன் தான் நானென நன்றியுடன் மெய்ப்பிக்க அயராது ஓடிக் கொண்டிருக்கிறேன் நான் - அடைய வேண்டிய ஆரம்பம் எங்கென்று அறியாது!

அறுந்திடாது அறம்!

அறச்சீற்றத்துக்கும் வெறுங்கோபத்துக்கும் வேறுபாடு 

அறியும் மதியுளோர் சிலரே!

அறச்சீற்றத்தைக் கொடும்வெறியென முரசறைக்கும்

அருமைக் பெருங்கயவரோ பலரே!

எனினும்....

....அறமற்றோர் அறம்பாட அறுந்திடாது அறம்!