பாடம்

நெருப்புக்கு ஒரு பாடம் கற்பிக்க முடிந்தால் கூறுவேன்:
குழந்தைகள் மீதுபட்டால் பனியாய்க் குளிர்ந்திடென்று!
நீருக்கோர் பாடம்சொல்ல இயன்றால் உரைப்பேன்:
பிள்ளைகள் மூழ்க நேர்ந்தால் நிலமாய் மாறிடென்று!
மண்ணிற்கென்று ஒரு பாடம் உண்டு: இளஞ்சிறார்கள்
விழுந்தால் பஞ்சாய் நெகிழ்ந்திடென்று! ஏனென்று
வினவினால் வினவுவேன்: பிஞ்சுகளுக்கு மனிதர்களால்
நிகழும் அபாயங்கள் போதாதாவென்று!

Facts & Opinions

When I utter a truth and you like it, it is declared a fact!
When it makes you uncomfortable, it is just my view!
When my thoughts are the same as yours, I am right!
When I think differently, it is just my opinion!

SMS Poem - 2 - Love and Desire

The garden of Love is in eternal bloom,
when its plants of Desire are duly watered!
When the plants begin yearning for water,
the garden starts to wither away!

இன்ப துன்பம்!

இன்பமான துன்பத்தை இன்பமென எண்ணித்தேடி
இன்முகத்துடன் ஏற்றுக் கலந்துறவாடித்
துன்பமான இன்பத்தைத் துன்பமெனத் தவிர்த்தால்
துன்பமேன் நேராது கூறு!

கல்வி

மெழுகு அறியுமோ உருகுவதன் பலனை?

மேகம் உணருமோ பொழிவதன் பயனை?

இயல்பால் நிகழுமிவை சொல்லும் பாடம்:
ஈகை சிந்திக்கா தென்பதே!

விதியும் வாழ்வும்!

கண்களுக்குள் எரியும்போதும் உறக்கந்துறந்து தொடரும்
உடல்முழுக்கக் கெஞ்சும்போதும் ஓய்வெடுக்க மறுக்கும்
கற்பனையில் பறக்கும்போது ஆற்றலுடன் விளங்கும்
உருவமற்ற மனமேநீ விதிப்பதுதான் எம்வாழ்வோ?

துன்பமும் பெருந்துன்பமும்!

ஏதாவதொரு வழிபிறக்காதா என்று தவித்துத் தேடும்போது
எதுவும் கிடைக்காமல் போவது துன்பமெனில்
ஏராளமாய் அடைந்த ஒன்றில் நிலைத்திட நினைக்கும்போது
எண்ணியதெல்லாம் கிடைக்கப் பெறுவது பெருந்துன்பமன்றோ?!